Innera Collective gestaltet kreative, kulinarische, wohltuende und inspirierende Workshops in Zürich. Unsere Formate verbinden Gestaltung, Genuss, Entspannung und bewusste Auszeiten – für Menschen, die neue Energie, Inspiration und echte Verbindung suchen.
2 Kolleginä, 1 Vision
WIE ENTSTATS?
S’Ganze het nöd mitme Businessplan agfange, sondern mitme Retreat in Porto. Per Zuefall simmer det ines chlises Lädeli ine – gführt vo 2 Kolleginne. Sie hend det drin jeglichi Workshops abote; kreativ, originell und voll inspirierend. Und i dem Moment isch eus klar worde: genau so en Ort wemmer au schaffe.
EUSE BACKGROUND
Mir schaffed imne Bruef mit tägliche Krisesituatione & Neustarts und wo viel Energie frisst – wenn mer nume funktioniert, verlürt mer sich schnell. Die Umständ hend eus zeigt, wie wichtig dases isch, wieder bi sich acho. Drum hemmer glernt, Tools z’bruche, zum innehalte, erde, achtsam si und reflektiere – mir schaffed en Ruum, wo du chasch abefahre, sortiere und wieder bi dir acho und Energie tanke.
DE GEGESATZ
Und glicihzitig lebt ih eus eh ganz anderi Site: euses spanische Temperament wo eus atriebt und eus de nötigi Drive git – drum chömmer mit erä leichte ADHS-Allüre nie still sitze; probieret jedi Sportart und kreativi Hobbies us, hend es lebendigs Soziallebe mit viel Lüt um üs ume – und probiered irgendwie all die Dates, Kaffees und Spontantreffe i ein Kalender ine z’quetsche & dezue ane sit neustem eh DJ-Adere entdeckt.
INNERA COLLECTIVE
Mir wend die zwei Teil i eus nüm trenne, sondern verbinde:
d’Ruhe und s’Für, s’Sanfte und s’Wilde. Yin und Yang. Mit eme Extra-Schuss Humor, Energie – und viel z’viel Idee glichzitig.